Nhar l-Erbgħa 15 ta’ Jannar nerġgħu nibdew il-mixja tal-Lectio Divina fid-dar parrokkjali fis-6.45pm. Fil-ġimgħat li ġejjin sa nirriflettu fuq l-Ittra lill-Galatin.

Nhar il-Ħamis 16 ta’ Jannar issir Adorazzjoni Ewkaristika fis-6.45pm.

Nhar is-Sibt 18 ta’ Jannar infakkru l-54 sena mit-twaqqif tal-parroċċa tagħna. Fil-quddiesa tas-6.15pm nirringrazzjaw lill-Mulej għall-mixja tal-parroċċa tagħna.

Nhar is-Sibt 25 ta’ Jannar il-Kummissjoni Festa sa torganizza Pizza Night b’risq il-Festa. Booking għand il-membri tal-Kummissjoni sa nhar l-Erbgħa 22 ta’ Jannar.

Nhar il-Ġimgħa 31 ta’ Jannar sa ssir Treasure Hunt għall-familji tal-parroċċa. Kull grupp jista’ jkollu bejn 2 u 5 persuni li waħda minnhom trid tkun adulta. Tista’ tirreġistra fis-sagristija jew online.

Sa jsir kors dwar il-kmandamenti għaż-żgħażagħ minn 18-il sena ’il fuq. Aktar tagħrif fuq www.10k.mt.

Nhar it-Tlieta 5 ta’ Novembru fl-4.15pm sa jsir il-funeral ta’ Saviour Bezzina. Ma ssirx quddiesa fis-6.15pm.

Nhar l-Erbgħa 6 ta’ Novembru fit-3.30pm se jsir il-funeral ta’ Joseph Farrugia. Ma ssirx quddiesa fis-6.15pm, il-Lectio Divina ssir fis-6.45pm fid-Dar Parrokkjali.

Nhar il-Ħamis 7 ta’ Novembru ssir l-Adorazzjoni Ewkaristika fis-6.45pm fil-Knisja.

Kull nhar ta’ Ġimgħa matul ix-xahar ta’ Novembru ssir quddiesa b’suffraġju għall-erwieħ tal-mejtin li jkun hemm isimhom fil-fuljetti li ssibu ħdejn il-bibien tal-knisja u tpoġġuhom fil-qoffa quddiem l-altar. Id-donazzjonijiet flimkien mal-fuljett jmorru għall-fond tal-karità tal-parroċċa.

Dawk li jixtiequ joffru quddies b’suffraġju għall-mejtin jew xi intenzjonijiet oħra f’xi dati partikulari fis-sena 2025 għandhom jibbukkjaw fis-sagristija wara l-quddies mill-aktar fis.

Nhar il-Ħadd 10 ta’ Novembru fil-quddiesa tal-10.00am niċċelebraw il-Festa ta’ San Martin u tingħata l-borża ta’ San Martin lit-tfal kollha. Wara l-quddiesa sa jkun hemm il-pulizija tal-komunità u ħaddiema tal-FSWS fuq iz-zuntier biex jiltaqgħu ma’ dawk preżenti u nsiru nafu aktar dwar is-servizzi li joffru.

Nhar it-Tnejn 11 ta’ Novembru sa ssir laqgħa għal-letturi fil-knisja fis-6.45pm. Din il-laqgħa hi kemm dawk li diġà jaqraw u anki għal-letturi ġodda.

Nhar it-Tnejn 28 ta’ Ottubru fit-3.30pm sa jsir il-funeral ta’ Carmen Cascun. Ma ssirx quddiesa fis-6.15pm.

Nhar l-Erbgħa 30 ta’ Ottubru il-membri tal-Leġjun ta’ Marija jitolbu r-rużarju fil-pjazza ta’ quddiem il-Knisja fil-5.00pm.

Nhar l-Erbgħa 30 ta’ Ottubru issir il-Lectio Divina fis-6.45pm fid-Dar Parrokkjali.

Nhar il-Ħamis 31 ta’ Ottubru ssir l-Adorazzjoni Ewkaristika fis-6.45pm fil-Knisja.

Nhar il-Ġimgħa 1 ta’ Novembru niċċelebraw il-Festa tal-Qaddisin kollha. Nistiednu lit-tfal u żgħażagħ flimkien mal-familji tagħhom biex jingħaqdu magħna fl-4.30pm fuq iz-zuntier biex immorru niġbru ikel għal nies fil-bżonn bieb bieb. Nieħdu sehem flimkien fil-quddiesa tas-6.15pm u wara nkomplu b’ħin ta’ logħob u festin żgħir fil-bitħa tal-kunvent.
Lil dawk li jkunu fi djarhom nitolbuhom iħejju xi ftit oġġetti tal-ikel li jistgħu jagħtu lil dawk li jħabbtulhom il-bieb.

Nhar is-Sibt 2 ta’ Novembru nagħmlu t-tifkira tal-Mejtin Kollha. Il-quddies fil-Knisja Parrokkjali jkun fil-5.30am u fis-6.15pm. Fil-Knisja tal-Lunzjata Is-Salina ssir quddiesa fil-5.00pm.

Nhar il-Ħadd 3 ta’ Novmebru ssir quddiesa fiċ-ċimiterju fl-4.00pm. (F’każ ta’ maltemp il-quddiesa ssir fil-Knisja ta’ Burmarrad). Matul ix-xahar ta’ Novembru ċ-ċimiterju jkun miftuħ kuljum mis-7.30am sal-4.00pm

Kull nhar ta’ Ġimgħa matul ix-xahar ta’ Novembru ssir quddiesa b’suffraġju għall-erwieħ tal-mejtin li jkun hemm isimhom fil-fuljetti li ssibu ħdejn il-bibien tal-knisja u tpoġġuhom fil-qoffa quddiem l-altar. Id-donazzjonijiet flimkien mal-fuljett jmorru għall-fond tal-karità tal-parroċċa.

Dawk li jixtiequ joffru quddies b’suffraġju għall-mejtin jew xi intenzjonijiet oħra f’xi dati partikulari fis-sena 2025 għandhom jibbukkjaw fis-sagristija wara l-quddies mill-aktar fis.