Avviżi – 8 ta’ Ottubru 2023

Nhar it-Tlieta 10 ta’ Ottubru l-membri tal-Leġjun ta’ Marija sa jitolbu r-Rużarju fi Triq P. Wistin Magro quddiem iċ-Ċentru Pastorali fil-5.00pm.

Nhar l-Erbgħa 11 ta’ Ottubru jibdew il-laqgħat ta’ Katekeżi għat-tfal tal-year1 fl-4.30pm fiċ-Ċentru Pastorali tal-Qawra (ħdejn il-Knisja).

Nhar l-Erbgħa 11 ta’ Ottubru issir Lectio Divina fis-6.45pm. Kulħadd mistieden.

Nhar il-Ħamis 12 ta’ Ottubru niċċelebraw il-Festa tal-Beatu Carlo Acutis, il-qaddis żagħżugħ li fil-Knisja tagħna għandna relikwa tiegħu. Dakinhar din tkun esposta għall-qima fil-Knisja. Fis-6.15pm niċċelbraw il-Quddiesa u wara ssir Adorazzjoni Ewkaristika fis-6.45pm. Il-Beatu Carlo Acutis kien devot ħafna tal-Ewkaristija u kuljum kien jgħaddi ħin ta’ Adorazzjoni quddiem Ġesù Sagramentat.

 

Avviżi – 24 ta’ Settembru 2023

Minn nhar it-Tnejn 25 ta’ Settembru l-quddiesa ta’ filgħaxija tibda tkun kuljum fis-6.15pm.

Nhar l-Erbgħa 27 ta’ Settembru ssir il-Lectio Divina fis-6.45pm.

Nhar il-Ħamis 28 ta’ Settembru issir Adorazzjoni Ewkaristika fis-6.45pm.

Nhar il-Ġimgħa 29 ta’ Settembru niċċelebraw il-Festa tal-Arkanġli Mikiel, Gabrijel u Rafel. Jekk it-temp jippermetti l-quddiesa tas-6.15pm issir fil-Knisja ta’ San Mikiel l-Imdawra. Jekk ikun il-maltemp il-quddiesa ssir fil-Knisja Parrokkjali.

Nhar is-Sibt 30 ta’ Settembru u l-Ħadd 1 ta’ Ottubru nkunu qed niċċelebraw il-Festa ta’ San Franġisk ta’ Assisi fil-Parroċċa tagħna:

Is-Sibt filgħaxija fis-6.15pm niċċelebraw it-Transtu (it-tifkira tal-mewt u tad-dħul ta’ S. Franġisk fis-sema)

Il-Ħadd fl-10.00am niċċelebraw il-quddiesa tal-Festa flimkien mat-tfal tal-Parroċċa.
Fil-11.30am isir it-tberik tal-annimali fuq iz-zuntier (ikun hemm ħin biżżejjed biex wara l-quddiesa, dawk li jixtiequ jilħqu jġibu l-annimali tagħhom).

Wasal iż-żmien biex issir il-Laqgħa Ġenerali Annwali tal-Kummissjoni Festa tal-Parroċċa tagħna. Dawk li jixtiequ jikkollaboraw mal-kappillan fl-organizzazzjoni tal-Festi li tagħmel il-Parroċċa tagħna – kemm dawk li diġà kienu membri u oħrajn li jixtiequ jissieħbu – għandhom ikellmu personalment lill-Kappillan sal-aħħar ta’ Settembru. Min jixtieq ikun jaf x’inhuma r-rekwiżiti biex jissieħeb f’din il-Kummissjoni u x’inhuma d-drittijiet tagħha jista’ jitlob kopja tal-istatuti mis-sagristija.

Avviżi – 17 ta’ Settembru 2023

Kif inhi d-drawwa tal-Knisja sa minn żmien l-Appostli, illum issir il-ġabra għall-Insara fl-Art Imqaddsa. Hekk nuru l-għaqda tagħna mal-Knisja f’Ġerusalemm u ngħinu biex ikunu mħarsa l-postijiet għeżież li fihom għix Ġesù.

Nhar l-Erbgħa 20 ta’ Settembru ssir il-Lectio Divina fis-7.30pm.

Nhar il-Ħamis 21 ta’ Settembru issir Adorazzjoni Ewkaristika fis-7.30pm.

Nhar il-Ħadd 24 ta’ Settembru fil-quddiesa tal-10.00am isir it-tberik tal-istudenti u tal-basktijiet tal-iskola. Minn dakinhar il-quddiesa tal-10.00am ta’ kull nhar ta’ Ħadd terġa’ tibda tkun bl-omelija għat-tfal bħala parti mill-programm ta’ katekeżi. Għalhekk nistiednu lit-tfal kollha biex, flimkien mal-familji tagħhom jieħdu sehem f’din il-quddiesa.