Nhar l-Erbgħa 2 ta’ Frar niċċelebraw il-Festa tal-Preżentazzjoni ta’ Ġesù fit-tempju (il-Gandlora). Fil-quddiesa tas-6.15pm nirċievu x-xemgħa mbierka bħala simbolu ta’ Ġesù d-dawl tagħna. Dakinhar il-Lectio Divina tibda fis-7pm.
Dawk kollha li jagħtu xi servizz b’mod regolari fil-parroċċa (katekisti, letturi, animaturi, membri ta’ kunsilli u kummissjonijiet, xogħol amministrattiv, għajnuna fit-tindif u manutenzjoni, eċċ) huma mitluba jimlew il-formola ta’ reġistrazzjoni bħala operaturi pastorali li jsibu fuq: parrocci.knisja.mt/registrazzjoni. Għandhom jimlew din il-formola anki dawk li diġà mlew oħra simili fil-passat minħabba li dawk tal-passat ikunu skadew. Dawk li jsibu xi diffikultà jistgħu jimlewha bl-għajnuna tal-patrijiet fis-sagristija wara l-quddiesa.
Dawk li huma interessati li jieħdu sehem fid-dramm tal-passjoni għandhom jimlew il-formola online li tinsab f’dan il-link:
Formola Parteċipazzjoni Dramm tal-Passjoni 2022
Il-membri tal-Leġjun ta’ Marija qed jilqgħu abbonamenti fil-ktejjeb “Kliem il-Ħajja” li jkun fih riflessjonijiet fuq siltiet mill-Bibbja għal kuljum.