Avviżi – l-1 ta’ Frar 2025
Illum, niċċelebraw il-Festa tal-Preżentazzjoni ta’ Ġesù fit-tempju (il-Gandlora). Fil-quddiesa tal-10am jsir it-tberik tax-xemgħa.
Nhar l-Erbgħa 5 ta’ Frar issir Lectio Divina fid-dar parrokkjali fis-6.45pm.
Nhar il-Ħamis 6 ta’ Frar issir Adorazzjoni Ewkaristika fis-6.45pm.
Nhar it-Tnejn 10 ta’ Frar niċċelebraw il-Festa ta’ San Pawl. Hija Festa Kkmandata bl-obbligu tal-parteċipazzjoni fil-quddiesa. Il-Ħinijiet tal-quddies ikunu bħal tal-Ħadd: fis-6.00am, fl-10.00am u fis-7.00pm. Il-quddiesa tal-10.00am ssir fil-Knisja ta’ San Pawl Milqi. Minħabba l-importanza ta’ dan il-post għall-Parroċċa tagħna, Mons. Arċisqof għoġbu jagħti l-Indulġenza Plenarja marbuta mas-Sena tal-Ġublew lil min jieħu sehem f’da il-pellegrinaġġ lejn l-għeruq tal-fidi tagħna. Wieħed għandu jitlob il-Missierna, il-Kredu u s-Salve Regina u jqerr u jitqarben fl-istess ġimgħa.
Matul din il-ġimgħa jintlaqgħu l-applikazzjonijiet għad-dħul fl-iskejjel tal-Knisja. Aktar tagħrif jinsab fuq www.knisja.mt
Avviżi – 12 ta’ Jannar 2025
Nhar l-Erbgħa 15 ta’ Jannar nerġgħu nibdew il-mixja tal-Lectio Divina fid-dar parrokkjali fis-6.45pm. Fil-ġimgħat li ġejjin sa nirriflettu fuq l-Ittra lill-Galatin.
Nhar il-Ħamis 16 ta’ Jannar issir Adorazzjoni Ewkaristika fis-6.45pm.
Nhar is-Sibt 18 ta’ Jannar infakkru l-54 sena mit-twaqqif tal-parroċċa tagħna. Fil-quddiesa tas-6.15pm nirringrazzjaw lill-Mulej għall-mixja tal-parroċċa tagħna.
Nhar is-Sibt 25 ta’ Jannar il-Kummissjoni Festa sa torganizza Pizza Night b’risq il-Festa. Booking għand il-membri tal-Kummissjoni sa nhar l-Erbgħa 22 ta’ Jannar.
Nhar il-Ġimgħa 31 ta’ Jannar sa ssir Treasure Hunt għall-familji tal-parroċċa. Kull grupp jista’ jkollu bejn 2 u 5 persuni li waħda minnhom trid tkun adulta. Tista’ tirreġistra fis-sagristija jew online.
Sa jsir kors dwar il-kmandamenti għaż-żgħażagħ minn 18-il sena ’il fuq. Aktar tagħrif fuq www.10k.mt.
